Аграрийдің айтуынша, жұмсалған барлық күш-жігер мен қолданылған технологияларға қарамастан, биыл құрғақшылық пен киіктердің кесірінен төмен өнім алынды.
Георгий Прокоптың сөзінше, бидай түсімділігі гектарына 8,5 центнерді құрады – бұл оның «Шахтерское» шаруашылығын басқарған 40 жылындағы ең төменгі көрсеткіш.
«Біз әрдайым қор жинап өмір сүреміз», — дейді Георгий Прокоп шаруашылықтың әрі қарай жұмысына сатып алу бағасының жеткіліктілігі туралы сұраққа жауап бере отырып. «Өткен жылғы рекордтық өнімді және жиналған қорды ескерсек, бұл жылдан аман-есен өтеміз», — деп сенім білдірді Прокоп.
«Шахтерское» ЖШС – Қарағанды облысы Нұра ауданының Шахтерское ауылында орналасқан өсімдік, тұқым және мал шаруашылығын дамытып отырған көпсалалы ауыл шаруашылығы кәсіпорны. Элиталық тұқым өсіру шаруашылығы мәртебесіне ие. Жердің жалпы ауданы – 48,5 мың га, оның 38 мың га жуығына дәнді дақылдар егілген.
Георгий Прокоп «Шахтерское» ЖШС-н 1986 жылдан бері басқарып келеді.
